Ethnic Groups of the Philippines

Zamboangueño Chavacano – Arriba Del Gulud

A.R. Enriquez

Arriba del Gullud
Ta queda tres dalaguita
Ay casa ya el menor
Llora y llora el mayor
Ya habla dau el na medio
y Manang no mas llora
Kay dentro de esto mes
Casa todo kita tres.
 
Con estos tres man hermana
Tres solteros ta pretende
Todo el dia por la noche
Estos tres ta man harana
El uno kainginero
Y el otro pescador
Lo malo que el tercero
Mal bicho y borrachon.
 
El Nana ta conseja
Con estos tres dalagitas
Bueno dau el kainginero
Kay tiene hacienda de tangkung.
 
Tambien dau el pescador
Kay hinde dau ta falta
El cojida del pescao
Tarakito y galungung.
 
El menor ya porsegui
Casa con del kainginero
El na medio igualmente
a casa con del pescador
 
El mayor ya pensa bueno
Ya oyi de su Inay consejo
Ya deja con del borrachon
Ya casa con un Chino viejo.
 
Despues del casamiento
Arriba del gulud
Ya queda sola si Inay
Solita y malisud
El tres ta vivi contento
Amo el fin de este cuento
Coloring colorao
El cuento acabao.

 

Source:
Chabacano literature Project, http://www.zamboanga.com/