Author: Melchor Orpilla
Makapatëy su balang tanul na igsa
Putkanën to’y pagëw ëd paruk na igsa
Ta andi talus su katuaa’y kilësa
Kopap tan andi yan su korang na igsa
Daluyon na ogës pilit to’y ondagsá
Itolak to’d tambib na patëy su igsa
Diad nunot, diad likna bëngatla’y onlësa
Ibalang to’y basbas ëd maptëk ya igsa
Amënëng, atiërëng anapë’y balasa
Ta andi manokil no ag say san-igsa
Andi kakabaliksa’y liknan mayasá
Masupdak su anggan masamit ya igsa
Maningël su likna’d kunkunwarin ligsa
Mandëndë’d abut su kulyapis ya igsa.
Source:
Pangasinan Blog, http://pangasinanblog.prepys.com/
