Author: Alex Delos Santos
Pagsamput kang sirum
Mapungko kami
Palibot sa sartin nga pinggan
Sa salug nga kawayan.
Mahamot nga kan-un
Isamo sa sampudyot nga asin,
Pus-an kang kamatis
Kag laktan kang yuhum.
Kon mabusog gani
Mahumlad kang banig,
Mahulat sa ugsad kag mamati
Sa paglitik kang paray.
Kag sa amun katurugon
Ginaisip ang kada pasi
Nga inugbayad
Sa amun mga utang.
Source:
Tripod, http://adsantos.tripod.com/aboutme.html
