Pangasinan – Villanelle: Tagleey Tonya’y Puso

Author: Santiago B. Villafania

denglen pa'y tagleey tonya'y puso
mareen a hambayo ed labi
mangipaparngel na panangaro
 
say pilalek a nagamoran to
masurin panangarom pinabli
denglen pa'y tagleey tonya'y puso
 
kada parok o kuyabkuyab to
dasal ed bibil na manangali
mangipaparngel na panangaro
 
odino anlong iran maando
andi la'y pilatek sika agi
denglen pa'y tagleey tonya'y puso
 
denglen pa'y laineng na ilalo
tan liknaan ya ag la niburi
mangipaparngel na panangaro
no sinagem so bales ed aro
inilaloan la'yan onsabi
denglen pa'y tagleey tonya'y puso
mangipaparngel na panangaro

 

Source:
Panitikan.com, http://panitikan.com.ph/

 

Photo of the Week

An elderly woman sells fruit and vegetables in Tanza Public Market, Cavite

An elderly woman sells fruit and vegetables in Tanza Public Market, Cavite

Donate your article, news, poetry, photos or anything about the Philippines!
 

For Questions and Comments send us an email.
 

World Connections