Ilocano – Tuyagak Manen Ti Baso Ni Ragsak

Author: Nepo T. Benitez

Namimpinsanen a linipat ti gulib ti napalabas
Daydi baso da upay ken saem
In-inut a naep-ep, naglumen
Ket ti nakuyem a lubongko rimmaniag
Iti idadateng ti baro a malem
Tuyagak manen ti baso ni ragsak
Ngem saan a tapno aglemmesak gapu iti saem
Ita agpapasak ket lemmesek ti barukongko
Iti sam-it ti diro ti baro nga ayat
Ta ti kalman ket maysan a kalman
Sanguek itan ti agdamak
Iti sidong ti baro a lasbang.

 

Source:
Ilocanosphere, http://saluyot.wordpress.com

 

Photo of the Week

A woman rinse and debeard fresh mussels for sale in a roadside stall in Cavite

A woman rinse and debeard fresh mussels for sale in a roadside stall in Cavite

Donate your article, news, poetry, photos or anything about the Philippines!
 

For Questions and Comments send us an email.
 

World Connections