Ilocano – Sika

Author: June Cecille Reyes

Kagiddan ti tudu nga agtinnag ditoy daga
Insubli ni lagip naglabes nga rikna
Nararagsak a gundaway dita sidungmo
Nagtulid nga aldaw napunno ti lailo.

Gastko ngata panagayat kenka
Diak napakadaan panagtinnag ti rikna
Uray pay panagsangit ti dimtenganna
Saan kunto nga ibabawi pinangpateg kenka.

Narigat mananglipat nu ta imatang addaka
Ditoy panunutko agnanayon nga sumrekka
Ditoy aglawlawko lagipmo makitkita
Dagiti am-ammo damag-damagen daka.

Ngem kasla kadaytoy ubbog nga bumaba
Dagitoy mata agsardengto ti panagluwana
Panagladingit saan ton nga marikna
Maililiwanto panangiliwko kenka.

Dumtengto dagiti kanito nga naragsak
Bumtakto puro isem ken garakgak
Anniniwan ni unnoy, ladingit ken liday
Ditoy pusok saanto pulos agbalay.

 

--

Nu Awan Kan

Kasla init nga awan raniagna
Mula nga awan ti sabungna
Bulan ti rabii nga awan silag na
Kasta nakto, dunggo, nu umadayoka.

Kas kadagiti mata, bulsek ta imatangna
Lapayag, tuleng iti aglawlawna
Ngiwat awan pulos maibalikasna
Ayat, isunakto nu awanka ta denna.

Kas diay billit nga awan payyakna
Abal-abal nga nairut ti parikutna
Tumatayab nga awan unina
Biagko, kasta nakto nu pumanawka.

Ngamin arakupento ni lamiis toy puso
Ken palawlawanto ni ulimek ti lubungko.

 

 

 

Photo of the Week

Crowd gathers to watch tree lighting ceremony in Fairview Ayala Terraces, Quezon City

Crowd gathers to watch tree lighting ceremony in Fairview Ayala Terraces, Quezon City

Donate your article, news, poetry, photos or anything about the Philippines!
 

For Questions and Comments send us an email.
 

World Connections