Ilocano – Kidem Ti Sipnget

Author: Juan S.P. Hidalgo, Jr.

Kidem ti sipnget,
Agan-annadtayo ta derraas
Aminen a bakrang 'toy dalan.
Sigurado, dagitay gurruod
Riniingdan dagiti bin-i
Ti sabong ti kimat.
Awan, awanen ti pagpilian,
Uray iti mata ti allawig,
No agririnnamasen dagiti oso
Ken agila iti daga ken tangatang.
Pumalso ngata dagiti saltek,
Wenno ballaag dagiti tekka;
Dinto ngata agligsay ti buyon,
Wenno biddut ti sintas?
Naladawen tapno ukraden pay ti Libro
Tapno diskutiren dagiti binatog.
Umayen ti ulo-ulo ti layus:
Ay, asinonto ti agibaklay
Ken agipumpon kalpasan
Ti dakkel a bakal?

Kidem ti sipnget, kakadua,
Ne, agan-annadtayo
Ta derraas aminen
A bakrang 'toy dalan….

 

Source:
Panitikan.com, http://panitikan.com.ph/

 

Photo of the Week

People visit Andres Bonifacio Monument in Manila

A display of weaving loom at the National Museum of the Philippines, Manila

Donate your article, news, poetry, photos or anything about the Philippines!
 

For Questions and Comments send us an email.
 

World Connections