Cebuano – Payag

Author: Errol A. Merquita

Ginabuslotan sa ulan
Ang atop nga
Hinimo sa ulirap.
Hinay-hinay’ng

Ginapahumok sa mga
Kadlawon ug kagabhion
Ang mga bungbong nga
Nagkaaman na og kadugta
Sa tumang katugnaw.

Ug samtang ginakitkit
Sa mga anay ang
Nahibiling bagakay
Sa salog, hinay-hinay’ng
Ginaputos sa mga lawa-lawa
Ang mga siradong bintana.

Ang kaniadtong
Lig-on ug masadya
Nga payag hinay-hinay
Nang nangagum-og ang
Mga tukod niini.

Ing-ana kining akong dughan
Sukad imo kong giluiban
Ahh, patya na lang ako!

 

Source:
Literatura Ng Iba’t Ibang Rehiyon Ng Pilipinas (Binagong Edisyon), Carmelita Siazon-Lorenzo, et.all., Grandbooks Publishing Inc. 2010

 

Photo of the Week

People visit Andres Bonifacio Monument in Manila

Shoppers buying medicines at a local drugstore in Manila and observed 'Social Distancing'

Donate your article, news, poetry, photos or anything about the Philippines!
 

For Questions and Comments send us an email.
 

World Connections